- 数据加载中...
|
正文
|
||||
（山歌小伙Vs喜羊羊）客家山歌标签: 山歌对唱 哦嗨，
有好山歌哇， 溜哇，溜等哪来哟，嗨！ 溜等来呀溜等来
听到山歌心花开 好比鹞婆叼鸡子 大家也爱喊等来 喊等来呀喊等来
讲唱山歌爱口才 好比石膏磨豆腐 半点勉强合唔来 半点勉强合唔来
唱歌唔系赛口才 总爱唱出情意好 唱出心中快乐来 唱出心中快乐来
冇才样般登歌台 画眉落笼唱唔出 芋荷缠颈会野颏 芋荷缠颈会野颏
有缘正会行前来 妹子钢琴先起调 一心就爱等歌/哥来 一心就爱等哥来
有好山歌溜等来 两人来唱爱情曲 哥妹对歌心花开 心花开来心花开
阿哥讲哩涯就来 阿哥有话尽管讲 莫学山伯紧发呆 莫学山伯紧发呆
哥系山伯妹英台 有缘有份同台唱 涯想同妹做共堆 俉想同妹做共堆
想涯做堆冇咁该 钱财相貌莫去讲 先看阿哥好歌才 先看阿哥好歌才
讲唱山歌敢登台 鸡公相打就来咀 赤肉上砧笃下来 赤肉上砧笃下来
一条唱来一条赔 系冇山歌同涯对 涯个工钱赔转来 赔转来呀赔转来
圆篱钉顿扎硬来 蟾蜍拿来垫桌脚 硬气也会顶下台 硬气也会顶下台
涯带锯子斧头来 桌脚畀涯锯呀帛 桌面畀涯劈嘎开 桌面畀俉劈嘎开
阿妹唔使牛皮吹 猫公爬入灶里睡 小心碰到满鼻灰 小心碰到满鼻灰
有灰涯会耙呀开 炉灰拿来种韭菜 久久都等情哥来 久久都等情哥来
妹个人情交到来 妹个歌才又咁好 唱得阿哥难下台 唱得阿哥难下台
山歌小伙样咁衰 系想下台用脚走 妹子冇力抜（背）下来 妹子冇力抜（背）下来
想唱涯赢么俺该 刚刚同妹开玩笑 调起阿妹兴头来 调起阿妹兴头来
哩只阿哥冇歌才 群里哪个歌才好 请到羊羊身边来 身边来呀身边来
羊羊把人看得衰 有歌唱来涯会对 接韵接意溜等来 接韵接意溜等来
今日工钱付过来 山歌小伙耐心学 学哩三年到转来 学哩三年到转来
牛皮唔系自家吹 你个山歌从口出 涯个山歌肚里来 俉个山歌肚里来
涯知佢肚尽发霉 本来就冇几多料 唔当涯个车载来 车载来呀车载来
涯看俉系酸秀才 自古山歌嘴里出 哪有山歌车载来 哪有山歌车载来
山歌小伙真系呆 火车载来靓系妹 只只靓妹有歌才 只只靓妹有歌才
样般今就羊羊来 桃子来寻李子嬲 可惜中间少株梅 可惜中间少株梅
六月梅花唔会开 羊羊带有靓细妹 小伙系想等紧来 等紧来呀等紧来
蜜蜂酿蜜望花开 山歌小伙尽命唱 系想连妹身边来 系想连妹身边来
春天一到百花开 妹系鲜花哥蝴蝶 蝴蝶飞入花园来 蝴蝶飞入花园来
阿哥恋妹靠歌才 歌才打动妹心意 今晚两人就做堆 今晚两人就做堆
看到靓妹就想来 山歌小伙真系急 宾馆有房开等来 开呀开来开呀开
心甘情愿做一堆 同吃同住同做事 欢歌日夜唱等来！ 欢歌日夜唱等来
山歌牵线来作媒 妹爱哥来哥爱妹 荣华富贵发大财。 评论
|
||||