- 数据加载中...
|
正文
|
||||
客家山歌大埔对平远（即兴）喜羊羊（大埔）
小伙话人四六货， 佢还唔知对呀错？ 如果喊俉浸谷种， 占米俉会搞到糯。 山歌小伙（平远）
占米俉会搞到糯， 世人难免有过错， 羊羊老师咁醒目， 竹篾唔使刀来破。 喜羊羊(
竹篾唔使刀来破， 言语出口爱防祸。 俉个山歌冇进步， 最近冇来上伢课。 山寨(
最近冇来上伢课， 竹筒探水就有过， 孔明吾系孔圣子， 人非圣贤会犯错。 歌小伙(
最近冇来上惹课， 日日客都来报到， 羊羊老师冇闲聊， 一日一日拖阿过。 喜羊羊(
一日一日拖阿过， 涯也冇话俉旷课。 小伙虽然拿课本， 耳公心肝都冇到。 山歌小伙(
耳公心肝都冇到， 里也唔系涯个错， 家里有老又有小， 生理又爱自家做。 喜羊羊(
生理又爱自家做， 小伙唔肯来认错。 佢话有老又有小， 系咩阿爸俉做过？ 山歌小伙(
阿爸暂时还冇做， 小伙唔系唔认错， 父母月月爱供应， 还有弟妹上紧课。 羊羊(
还有弟妹上紧课？ 到底唔知曼人错。 佢话有弟又有妹， 计育部门冇寻过？ 山歌小伙
计育部门有寻过？ 一年来寻三四到， 罚款罚里几千块， 猪也奔人扛走过。 喜羊羊
猪也奔人扛走过， 几千块钱看得破。 老妹成绩好唔好？ 有冇同俉来汇报？ 山歌小伙 经常同涯来汇报， 科科成绩都唔错， 旧年高考上中大， 奖学金领四五到。 喜羊羊(
奖学金领四五到， 累计奖金上万过。 望佢日后有出息， 涯用山歌来祝贺。 山歌小伙( 俉用山歌来祝贺， 老师心意涯领到， 有朝一日来平远， 富港酒店请上座。 喜羊羊( 富港酒店请上座， 平远美景冇逻过。 南台卧佛五月雪， 娘酒慈橙都唔错。 山歌小伙( 娘酒慈橙都唔错， 平远新建寺一座， 大佛坐落三宫殿， 世界纪录就会破。 喜羊羊(
世界纪录就会破， 下日大佛登神座。 佛法无边保万民， 乜个灾难天外过。 山歌小伙(
乜个灾难天外过， 天下大平无灾祸， 丰衣足食好生活， 家家鱼肉肥锅灶。 评论
|
||||
操作中，请等待...